Xəzər dənizinin sahilboyu torpaqlarının mühafizəsi ilə bağlı nəzarət gücləndirilir: monitorinq qrupları yaradılıb

Əmlak Məsələləri Dövlət Komitəsi tərəfindən Xəzər dənizinin 20-50 metrlik sahilboyu torpaqlarının mühafizəsi ilə bağlı nəzarət daha da gücləndirilir. Bununla əlaqədar olaraq Xəzər dənizinin Bakı şəhərinin Qaradağ, Xəzər, Suraxanı, Binəqədi rayonları, eləcə də Sumqayıt şəhərinin ərazisində olan zonalarında monitorinq qrupları yaradılıb.

Ardını oxu...

Rəqabətli 16 iyul hərracı: 11 dövlət əmlakı üzrə 14 sifariş verilib

Əmlak Məsələləri Dövlət Komitəsinin dövlət əmlaklarının özəlləşdirilməsində tətbiq etdiyi innovativ hərrac sistemi prosesdə iştirakı investorlar üçün daha əlçatan edir. Hərraca çıxarılmış bütün dövlət əmlakları üzrə elektron seçim və sifariş, o cümlədən özəlləşmədə virtual iştirak imkanı hər kəs üçün hərraclara onlayn qoşulmaq fürsətləri yaradır. Açıq və şəffaf hərraclardakı müasir şərait investorların dövlət əmlaklarının özəlləşdirməsinə marağını artırmağa, eləcə də vətəndaş məmnuniyyətinin və rahatlığının təminatına yönəlib. Eyni zamanda bu üstünlüklər özəlləşdirməni sürətləndirir, fərqli iqtisadi sahələr üzrə yeni biznes obyektlərinin yaranmasına və inkişafına dəstək verir.

Ardını oxu...

Daha 80 dövlət əmlakı özəlləşdirilmək üçün hərraca çıxarıldı

Dövlət əmlaklarının özəlləşdirilməsi ilə bağlı Əmlak Məsələləri Dövlət Komitəsinin keçirdiyi hərraclara elektron formada qoşulma üstünlüyü rahat və şəffaf mühiti təmin edərək prosesdə aktiv iştiraka şərait yaradır. Sifarişlərin onlayn formada verilməsi, o cümlədən virtual formada hərracda iştirak fürsətləri vətəndaş məmnunluğuna istiqamətlənib. Hərrac günü sifarişçilərlə yanaşı, digər şəxslər də hərracı qeydiyyatsız formada həm onlayn (https://e-emdk.gov.az/eHerrac), həm də Əmlak Xidmətləri Məkanına getməklə canlı formada izləyə bilər.

14 avqust tarixində Əmlak Məsələləri Dövlət Komitəsi tərəfindən növbəti hərraclardan biri keçiriləcək. Bu dəfə özəlləşdirməyə 80 dövlət əmlakı çıxarılıb. Bunlardan 46-sı kiçik dövlət müəssisə və obyekti, 22-si səhmdar cəmiyyəti, 9-u qeyri-yaşayış sahəsi, 3-ü isə nəqliyyat vasitəsidir. Kiçik dövlət müəssisələrinin əksəriyyəti torpaq sahəsi ilə birgə özəlləşdirməyə çıxarılıb. Bu dövlət obyektlərinin faydalı sahəsi 20 kv.m ilə 3 min 312 kv.m intervalındadır. Müəssisələr arasında Sumqayıt, Balakən və Qaxda Əmlak kompleksləri, Şəkidə istirahət zonası, paytaxtla yanaşı, digər regionlarda ticarət və xidmət sahəsi üzrə fəaliyyət göstərən dövlət əmlakları var. Sumqayıt şəhəri, Heydər Əliyev prospektindəki ticarət obyektinin faydalı sahəsi 629.9 kv.m-dir. Qeyd edək ki, bu dövlət əmlakı binanın 1-ci və 2-ci mərtəbələrində yerləşir.

Hərraca çıxarılan qeyri-yaşayış sahələrindən 5-i Bakıda, 4-ü isə Sumqayıtda yerləşir. Bu dövlət əmlaklarının ümumi faydalı sahəsi 21.7 kv.m ilə 140 kv.m arasındadır. Paytaxtın Nizami rayonu, Qara Qarayev prospektindəki dövlət əmlakının faydalı sahəsi 27.9 kv.m-dir. Bu dövlət əmlakı investor tərəfindən ofis və ya xidmət obyekti kimi istifadə oluna bilər.

Səhmdar cəmiyyətlərinin hərraca çıxarılan səhm paketləri ümumi səhmlərin 30%-45%-ni təşkil edir. Dövlət əmlakları Bakı, Ağcabədi, Yevlax, Şirvan kimi şəhər və rayonlarda yerləşir. Potensial investorlar “Xaçmaz Mexanizasiya Nəqliyyat”, “Neftçala Ət”, “Şıxlar broyler” kimi səhmdar cəmiyyətləri üzrə seçim edə bilər.

Mitsubishi, Fiat və Nissan markalarından olan nəqliyyat vasitələrinin buraxılış tarixləri 1997-2007-ci illərdir. Avtomobillər üçün təyin olunan ilkin hərrac qiyməti isə 3 min manat ilə 4 min 200 manat arasındadır. Özəlləşməyə çıxarılan hər bir dövlət əmlakı haqqında ətraflı məlumat əldə etmək istəyən şəxslər komitənin rəsmi saytına (emdk.gov.az) və ya Özəlləşdirmə portalına (privatization.az) daxil ola bilər.

Əmlak Məsələləri Dövlət Komitəsinin daşınmaz əmlakın mükəmməl rəqəmsal kadastr məlumatları Bakının Baş Planının hazırlanmasında əsas baza rolunu oynayır: məlumatların inteqrasiyasına start verildi

Əmlak Məsələləri Dövlət Komitəsinin hazırladığı Bakı şəhərinin mükəmməl elektron kadastr məlumat bazası və rəqəmsal kadastr xəritələri paytaxtın Baş Planının yaradılmasında əsas mənbə kimi istifadə olunacaq. Qeyd edilməlidir ki, Bakı şəhərinin elektron kadastr məlumatları əmlaklarla, torpaqlarla bağlı dəqiq və müfəssəl göstəriciləri özündə cəmləşdirdiyindən Baş Planın hazırlanmasında mühüm baza rolunu oynayacaq. Qabaqcıl dünya təcrübəsinə istinad edən beynəlxalq və yerli ekspertlər işlərin müvəffəqiyyətli icrasını təmin etmək məqsədi ilə hazırlanacaq Baş Planın mövcud rəqəmsal kadastr xəritələri üzərindən qurulmasını məqsədəuyğun hesab edirlər. Odur ki, Əmlak Məsələləri Dövlət Komitəsinin kadastr məlumatlarının Dövlət Şəhərsalma və Arxitektura Komitəsinin məlumat bazasına inteqrasiyasına start verildi. Bununla bağlı iyulun 12-də hər iki qurumun, Baş Planın hazırlanmasında iştirak edən şirkətin, eləcə də media nümayəndələrinin iştirakı ilə tədbir keçirilib. Tədbir ötən ildə iki qurum arasında imzalanan əməkdaşlıq memorandumu çərçivəsində reallaşıb.

Ardını oxu...

Avstriya ilə Azərbaycan arasında daşınmaz əmlakın kadastrı və coğrafi məlumat sistemi sahəsində qarşılıqlı əlaqələr genişləndirilir

Daşınmaz əmlakın kadastrı və coğrafi məlumat sistemi sahəsində əməkdaşlığa dair 2018-ci il 6 iyulda imzalanan Anlaşma Memorandumu çərçivəsində Avstriya Respublikasının Metrologiya və Mərzçəkmə Federal Qurumunun nümayəndə heyəti iyulun 11-də Əmlak Məsələləri Dövlət Komitəsində olub. Görüşdə Əmlak Məsələləri Dövlət Komitəsinin sədri cənab Kərəm Həsənov və Avstriyanın Metrologiya və Mərzçəkmə Federal Qurumunun prezidenti cənab Vernherr Hoffmann iştirak ediblər.

Ardını oxu...

Əmlak Məsələləri Dövlət Komitəsi torpaqlardan istifadəyə nəzarətlə bağlı treyninqlərə start verib

Əmlak Məsələləri Dövlət Komitəsi torpaqlardan istifadə və onların mühafizəsinə dövlət nəzarətinin daha da səmərəli təşkili üçün yerlərdə torpaq müfəttişlərinə treyninqlərin keçirilməsinə start verib. Bunun üçün torpaq müfəttişlərindən ibarət işçi qrupu yaradılıb. İlk treyninqlər Bakı, Sumqayıt şəhərlərində, Şamaxı, Xaçmaz rayonlarında keçirilib.  

Təlimlər zamanı torpaqlardan istifadənin qanunvericilik tələblərinə uyğun həyata keçirilməsi ilə bağlı məlumat verilib, inzibati xətalara dair protokolların tərtib edilməsi və qərarların qəbul edilməsi zamanı həmin tələblərə riayət olunması məsələlərindən bəhs edilib.  

Ardını oxu...

Azərbaycanda şirkətlər və sahibkarlar üçün – YENİ XİDMƏT – MÜSAHİBƏ

Əmlak Məsələləri Dövlət Komitəsi tərəfindən təqdim edilmiş AZPOS-Real Time GNSS xidməti kənd təsərrüfatı, tikinti, neft sənayesi, nəqliyyatın intellektual idarə edilməsi, geodeziya və digər sahələr üçün nəzərdə tutulub.

Yeni sistem Azərbaycan Respublikasının ərazisində real vaxtda üfüqi səviyyədə ± 2 sm və şaquli səviyyədə ± 4 sm dəqiqliklə mövqeyi göstərməyə imkan verir. AZPOS sisteminin üstünlükləri və tətbiq olunması imkanları ilə bağlı "Fed.az"-ın suallarını ƏMDK-nın yanında Kadastr və Yerquruluşu Layihə-Tədqiqat Mərkəzinin «Coğrafi mövqeləndirmə şəbəkəsinin idarə olunması» şöbəsinin müdiri Aidə Qasımova cavablandırıb.

Ardını oxu...

Əmlak Məsələləri Dövlət Komitəsi tərəfindən 09 iyul tarixində növbəti hərrac keçirilib

Əmlak Məsələləri Dövlət Komitəsinin dövlət əmlaklarının özəlləşdirilməsi sahəsində tətbiq etdiyi müasir üsullar hərraclarda iştirakı vətəndaşlar üçün daha rahat edir. Hərraca çıxarılan bütün dövlət əmlakları üzrə sifarişlərin elektron formada verilməsi, eyni zamanda virtual hərrac ilə hər kəs üçün prosesə onlayn qatılmaq imkanı təmin edilir. Hərraclarda yaradılan rahat şərait vətəndaş məmnunluğunun təminatına, investorların özəlləşdirməyə marağının artırılmasına yönəlib. Bundan başqa, innovativ fürsətlər ilə keçən hərraclar özəlləşdirmə prosesini sürətləndirir, müxtəlif iqtisadi sahələr üzrə yeni sahibkarlıq obyektlərinin yaranmasına və inkişafına dəstək verir.

Ardını oxu...

Prezidentin fərmanının sürətli icrası ilə bağlı “Əmlakını qeydiyyata al və mülkiyyətinə sahib ol” kampaniyasına daha intensiv formatda start verildi

Azərbaycan Respublikasının Prezidenti İlham Əliyevin 2019-cu il fevralın 19-da imzaladığı “Bəzi çoxmənzilli binaların istismarına icazə verilməsinin sadələşdirilməsi haqqında” fərmanının icrası çərçivəsində Əmlak Məsələləri Dövlət Komitəsi istismarına icazə verilən binalarda yerləşən mənzillərin çıxarışla təmin olunması ilə bağlı işlərin daha intensiv keçirilməsinə start verib. Belə ki, iyulun 9-dan etibarən “Əmlakını qeydiyyata al və mülkiyyətinə sahib ol” kampaniyası çərçivəsində istismarına icazə verilən binalarda mobil qeydiyyat xidməti göstəriləcək, ilkin sənədlər toplanacaq. Bu səyyar xidmət iyulun 9-dan 12-nə kimi Nizami, 15-19 tarixlərində Sabunçu, Suraxanı, Xətai, Binəqədi, 22-dən 26-na kimi isə Yasamal və Səbail rayonlarında olacaq.

Ardını oxu...

Hərracda seçim geniş, iştirak isə sadədir: bu dəfə 68 dövlət əmlakı özəlləşməyə çıxarıldı

 

Əmlak Məsələləri Dövlət Komitəsi tərəfindən keçirilən hərraclara çıxarılan dövlət əmlaklarının müxtəlifliyi vətəndaşlara geniş seçim imkanları vəd edir. Özəlləşdirmə prosesində elektronlaşma hər kəsin hərraca rahat şəkildə qoşulmasına şərait yaradır. Şəffaflıq və səmərəlilik prinsiplərinin təminatı ilə ictimaiyyətə tam açıq olan hərraclarda həm sifarişçilərin, həm də adi şəxslərin iştirakına şərait yaradılıb.

Ardını oxu...

Əmlak Məsələləri Dövlət Komitəsinin Çağrı Mərkəzi və onlayn resursları vasitəsilə 16 mindən çox vətəndaş müraciəti cavablandırılıb

Əmlak Məsələləri Dövlət Komitəsi göstərilən xidmətlərdə şəffaflığı və yüksək keyfiyyəti təmin etmək məqsədilə vətəndaşların təklif və müraciətlərinə hər zaman diqqətlə yanaşır. Fəaliyyət üzrə yaranan hər bir sualın çevik cavablandırılması, müraciətlərin araşdırılması və həlli ilə bağlı komitənin 193 saylı Çağrı Mərkəzi və onlayn müraciət resursları fəaliyyət göstərir.

Ardını oxu...

Əmlak Məsələləri Dövlət Komitəsinin rəhbərliyi iyul ayında Göyçay, Ucar və Zərdab rayonlarında vətəndaşları qəbul edəcək

Azərbaycan Respublikasının Prezidenti İlham Əliyevin tapşırığına əsasən vətəndaşların təklif, irad və müraciətləri ilə yerindəcə tanış olmaq üçün mərkəzi icra hakimiyyəti orqanları rəhbərlərinin və onların müavinlərinin bölgələrdə vətəndaşların qəbulu cədvəlinə uyğun olaraq, Əmlak Məsələləri Dövlət Komitəsinin rəhbərliyi 13 iyul tarixində vətəndaş qəbulu keçirəcəkdir.

Ardını oxu...

BMT-nin Ərzaq və Kənd Təsərrüfatı Təşkilatının (FAO) ekspert missiyası Əmlak Məsələləri Dövlət Komitəsində

BMT-nin Ərzaq və Kənd Təsərrüfatı Təşkilatının (FAO) ekspert missiyası ölkəmizdə keçirilən görüşlər çərçivəsində Əmlak Məsələləri Dövlət Komitəsində də olublar. Tədbir “Torpaqların Konsolidasıyası üzrə Milli Strategiyanın və Torpaqların Konsolidasıyası üzrə Pilot Layihənin hazırlanmasına dəstək” layihəsi çərçivəsində baş tutub.

Görüşün məqsədi torpaqlar haqqında qanunu, hazırlanmış strategiyanı, o cümlədən torpaqların konsolidasıyası üzrə dövlət proqramını müzakirə etməkdir. Həmçinin bu sahədə tətbiq edilən mexanizmlər, müasir dövrün tələblərinə uyğun istifadə olunan yeniliklər barədə məlumatlanmaqdır.

Ardını oxu...

Özəlləşmə nəticəsində balıqçılığın inkişafına töhfə verəcək daha bir müəssisə yenidən qurulur

Azərbaycan Respublikasının Prezidenti cənab İlham Əliyevin «Dövlət əmlakının özəlləşdirilməsinin sürətləndirilməsi və idarə edilməsinin səmərəliliyinin artırılması ilə bağlı bəzi tədbirlər haqqında» fərmanına və müvafiq tapşırıqlarına uyğun olaraq ölkədə özəlləşdirilən müəssisələrin fəaliyyəti yenidən qurulur, regionların inkişafını artıran belə müəssisələrin fəaliyyəti genişlənir, yeni iş yerləri yaradılır. Bu baxımdan respublikanın müxtəlif regionlarında yerləşən müəssisələrin investisiya müsabiqəsi vasitəsi ilə özəlləşdirilməsi diqqət mərkəzindədir.

Ardını oxu...

Hərracda kiçik dövlət müəssisələri, qeyri-yaşayış sahəsi və nəqliyyat vasitələri özəlləşdirildi

Əmlak Məsələləri Dövlət Komitəsinin təşkil etdiyi  hərraclarda sadə iştirak imkanları ilə  internetin olduğu məkandan özəlləşdirməyə qoşulmaq mümkündür. Seçdiyi əmlakı elektron sifariş verməklə yanaşı, hər kəs hərracda onlayn formada iştirak edə bilər. Bu fürsətlər özəlləşdirmədə rahat iştirakı və şəffaf mühiti təmin edir.

İyulun 2-si Əmlak Məsələləri Dövlət Komitəsi tərəfindən dövlət əmlaklarının özəlləşdirilməsi üzrə növbəti hərrac keçirildi. Budəfəki hərracda özəlləşdirilən əmlaklar arasında kiçik dövlət müəssisələri, qeyri-yaşayış sahəsi və nəqliyyat vasitələri var.

Ardını oxu...

“AZPOS-Real Time GNSS xidməti: dəqiqlik, fasiləsizlik və etibarlılıq” mövzusunda İctimai Təqdimat keçirilib

Əmlak Məsələləri Dövlət Komitəsi iyulun 2-də “AZPOS-Real Time GNSS xidməti: dəqiqlik, fasiləsizlik və etibarlılıq” mövzusunda İctimai Təqdimat keçirib. Tədbirdə kənd təsərrüfatı, neft sənayesi, nəqliyyatın intellektual idarə edilməsi, o cümlədən geodeziya və digər sahələrdə fəaliyyət göstərən dövlət qurumlarının, şirkətlərin nümayəndələri iştirak ediblər.

Məqsəd AzPOS sistemi haqqında ümumi anlayış, göstərdiyi xidmət növləri, onların üstünlükləri, o cümlədən tətbiq sahələri, xidmətin faydaları haqqında məlumat verməkdir. Eyni zamanda sistemdən istifadə edənlərin sayını artırmaq da əsas vəzifələrdəndir.

Ardını oxu...

30 iyul hərracı: özəlləşdirməyə hansı dövlət əmlakları çıxarıldı?

Əmlak Məsələləri Dövlət Komitəsi tərəfindən keçirilən açıq hərraclar dövlət əmlaklarının özəlləşdirilməsi, investisiyaların cəlb olunması və qeyri-neft sektorunun inkişafı baxımından əhəmiyyətlidir. Fərqli kateqoriya, iqtisadi sahə üzrə investisiya imkanlarına malik dövlət əmlaklarının hərraca çıxarılması hər bir potensial investor üçün yeni biznes imkanları yaradır. İnnovativ hərrac xidmətləri ölkə ilə yanaşı, dünyanın istənilən yerindən özəlləşmə prosesinə qoşulmağı mümkün edir.

Ardını oxu...

Səyyar qeydiyyat avtobusu Samux rayonunda: bu həftə xidmətlər 2 qəsəbədə göstəriləcək

Əmlak Məsələləri Dövlət Komitəsi tərəfindən təşkil olunan səyyar aksiyalar vətəndaşların elə yaşadıqları kənd və qəsəbələrdə qeydiyyat xidmətlərindən yararlanmasını təmin edir. “Əmlakını qeydiyyata al və mülkiyyətinə sahib ol” kampaniyası əhalinin rahat və əlçatan formada xidmətlərdən istifadəsinə, eləcə də ölkə üzrə leqal daşınmaz əmlakların sayının artmasına yönəlib.

Ardını oxu...

Əmlak Məsələləri Dövlət Komitəsinin rəhbərliyi Şabran, Xızı və Siyəzən rayonlarında vətəndaş müraciətlərini dinləyib

Dövlət xidmətlərinin vətəndaşlara layiqli formada göstərilməsi, hər bir müraciətə həssaslıqla yanaşılması istiqamətində ölkə Prezidenti cənab İlham Əliyevin tapşırıq və tövsiyələrinə uyğun olaraq Əmlak Məsələləri Dövlət Komitəsinin sədri Kərəm Həsənov 29 iyun tarixində Şabran şəhərində vətəndaş qəbulu keçirib. Vətəndaşların qəbulu cədvəlinə uyğun olaraq elə həmin gün sədr müavinləri Rafiq Cəlilov Xızı rayonunda, Rüstəm Şahbazov isə Siyəzən rayonunda vətəndaş müraciətlərini dinləyib.

Ardını oxu...

Kütləvi İnformasiya Vasitələrinin nəzərinə!

Əmlak Məsələləri Dövlət Komitəsi iyulun 2-də “AZPOS-Real Time GNSS xidməti: dəqiqlik, fasiləsizlik və etibarlılıq” mövzusunda İctimai Təqdimat keçirəcək. Məqsəd AzPOS sistemi haqqında ümumi anlayış, göstərdiyi xidmət növləri, onların üstünlükləri, o cümlədən tətbiq sahələri, xidmətin faydaları haqqında məlumat verməkdir. Eyni zamanda sistemdən istifadə edənlərin sayını artırmaq da əsas vəzifələrdəndir. Tədbirdə nəqliyyatın intellektual idarə edilməsi, kənd təsərrüfatı, neft sənayesi, o cümlədən geodeziya və digər sahələrdə fəaliyyət göstərən qurumların, şirkətlərin nümayəndələri iştirak edəcəklər.  

Tədbir saat 10:30-da Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin inzibati binasında (Yasamal rayonu, Hüseyn Cavid prospekti, 31, Elmlər Akademiyası metrosunun arxası) baş tutacaq. 


 
 
 

Sorğu

Daşınmaz əmlak obyektinin müayinə edilməsi xidməti barədə məlumatlısınızmı?