Əmlak Məsələləri Dövlət Komitəsi torpaq idarəçiliyi sahəsindəki münasibətlərin tənzimlənməsi və torpaq inzibatçılığı ilə bağlı maarifləndirici İşgüzar Forum keçirib

Əmlak Məsələləri Dövlət Komitəsi torpaqlardan istifadəyə və onun mühafizəsinə dövlət nəzarəti tədbirlərinin gücləndirilməsi ilə bağlı respublika üzrə maarifləndirici İşgüzar Forumlara start verib. İlk belə tədbir iyunun 22-si və 23-də müvafiq olaraq Qazax və Ağdaş rayonlarında keçirilib. Tədbirdə Əmlak Məsələləri Dövlət Komitəsi, yerli icra nümayəndələri, bələdiyyələr, aidiyyəti dövlət qurumlarının nümayəndələri, iri torpaq mülkiyyətçiləri və istifadəçiləri, eyni zamanda kütləvi informasiya nümayəndələri iştirak edib.

Maarifləndirici İşgüzar Forumun məqsədi torpaqlardan istifadəyə və onların mühafizəsinə dövlət nəzarəti tədbirlərinin səmərəliliyini artırmaq, görülən işləri təkmilləşdirmək, torpaqların təyinatı üzrə istifadəsinin təşkilində Komitənin fəaliyyətini dövlət orqanları, bələdiyyələr, hüquqi və fiziki şəxslərlə əlaqələndirmək, onların hüquq və vəzifələrini izah etmək, bu barədə ictimaiyyəti məlumatlandırmaqdır.

Ardını oxu...

Əmlak Məsələləri Dövlət Komitəsinin qaynar xətləri vahid çağrı mərkəzinə birləşdirilib

Əmlak Məsələləri Dövlət Komitəsi ölkə vətəndaşlarının müraciətlərinə həssaslıqla baxılması, göstərilən ictimai xidmətlərdə operativlik və şəffaflığın artırılması istiqamətində işləri təkmilləşdirir. Fəaliyyəti üzrə daima yeni layihələrə imza atan Komitə bu dəfə də ənənəsinə sadiq qalıb. Beləki, Əmlak Məsələləri Dövlət Komitəsinin qaynar xətləri 193 vahid çağrı mərkəzinə birləşdirilib.

Artıq Komitənin bütün fəaliyyət sferasına aid olan müraciətlər vahid çağrı mərkəzi vasitəsilə cavablandırılır. Vətəndaşlar dövlət əmlakının özəlləşdirilməsi, icarəsi və istifadəsi, daşınmaz əmlak üzərində mülkiyyət hüquqlarının qeydiyyatı, özəlləşdirmə prosesində keçirilən hərraclarla bağlı suallarını, habelə torpaqların kadastr uçotu, keyfiyyət göstəricilərinin müəyyən edilməsi, istifadə vəziyyəti, təyinatının dəyişdirilməsi, ünvan və digər məsələlərlə əlaqədar yalnız bir nömrəyə-193 saylı vahid çağrı mərkəzinə ünvanlaya bilərlər. Başqa sözlə ölkə əhalisi Komitənin fəaliyyəti ilə bağlı yaranan bütün suallarının cavabını sadəcə 193 saylı vahid çağrı mərkəzinə zəng etməklə öyrənir.

Ardını oxu...

Əmlak Məsələləri Dövlət Komitəsinin sədri cənab Kərəm Həsənov ilə Fransanın sabiq Baş naziri, cənab Dominik Dö Vilpən arasında görüş keçirilib

Azərbaycan Respublikası Əmlak Məsələləri Dövlət Komitəsinin sədri cənab Kərəm Həsənov ilə Fransanın sabiq Baş naziri, “Villepin International” şirkətinin prezidenti cənab Dominik Dö Vilpən arasında görüş keçirilib. Görüşün məqsədi Azərbaycan və Fransa arasında Azərbaycanda həyata keçirilən özəlləşdirmə prosesi və investisiyaların cəlb edilməsi ilə bağlı iqtisadi əlaqələrin genişləndirilməsi, bu barədə fikir mübadiləsinin aparılmasıdır. Həmçinin daşınmaz əmlakın kadastrı və qeydiyyatı ilə bağlı layihələrdə birgə iştirak, səmərəli əməkdaşlıq və ortaq çalışmaların mümkünlüyünün müzakirəsi də görüşün əsas müzakirə obyekti olub.

Ardını oxu...

Recexpo III sərgisində Avropa və Asiya ölkələrinin daşınmaz əmlak bazarındakı iri şirkətləri iştirak edəcək

Noyabrın 23-dən 25-dək Bakı Ekspo Mərkəzində keçiriləcək Recexpo III - Azərbaycan beynəlxalq daşınmaz əmlak və investisiya sərgisinə ötən ildən fərqli olaraq, daha çox investor, əmlak şirkətlərinin qatılması, eyni zamanda, onların tikinti və infrastruktur layihələrinin nümayiş edilməsi gözlənilir. Belə ki, Avropa və Asiya ölkələrinin daşınmaz əmlak bazarındakı iri şirkətləri sərgidə iştirak edəcək. Türkiyə, Birləşmiş Ərəb Əmirlikləri (BƏƏ), Rusiya, İspaniya kimi dövlətlərin nüfuzlu tikinti şirkətləri sərgiyə toplaşacaq.

İyunun 21-də Əmlak Məsələləri Dövlət Komitəsinin şöbə müdiri Qulu Xəlilov sərgiyə hazırlıq işləri ilə bağlı keçirilən mətbuat konfransında məlumat verib. Bildirilib ki, sərgi ƏMDK “Elan Expo” və “Atılım Fuarcılık” şirkətləri ilə birgə təşkil ediləcək.

Ardını oxu...

Əmlak Məsələləri Dövlət Komitəsi ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi arasında əməkdaşlıq memorandumu imzalanıb

Əmlak Məsələləri Dövlət Komitəsi ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi arasında əmədaşlıq istiqamətləri, iki tərəfli əlaqələrin perspektivləri müəyyən olunub. Bu məqsədlə 20 iyun tarixində iki qurum arasında göstərilən xidmətlər sahəsində məmnunluğun, şəffaflığın artırılması, birgə layihələrin həyata keçirilməsi, innovasiyaların tətbiqi ilə bağlı əməkdaşlığa dair memorandum imzalanıb. Tədbir çərçivəsində  “ASAN” könüllüləri ilə də görüş keçirilib. Qeyd edilməlidir ki, göstərilən xidmət zamanı könüllülərin cəlb edilməsi, onların potensialından səmərəli istifadə edilməsi əsas proritetlərdəndir.

Ardını oxu...

Əmlak Məsələləri Dövlət Komitəsi tərəfindən daşınmaz əmlakın özəlləşdirilməsi sürətlə davam edir: 32 dövlət əmlakı özəlləşdirilib

Əmlak Məsələləri Dövlət Komitəsi 20 iyunda dövlət əmlakının özəlləşdirilməsi üzrə növbəti hərracını  keçirib. Hərracda 32 dövlət əmlakı özəlləşdirilib. Bunlardan  1-i səhmdar cəmiyyəti, 19-u  kiçik dövlət müəssisəsi,  7-i qeyri-yaşayış sahəsi,  5-i isə nəqliyyat vasitəsidir. Bakı  şəhəri üzrə  1 səhmdar cəmiyyətinə,  8 kiçik dövlət müəssisəsinə,  6  istifadəsiz qeyri yaşayış sahəsinə  və 5 nəqliyyat vasitəsinə,  respublikanın digər  şəhər  və rayonları üzrə  11  kiçik dövlət müəssisəsinə, 1 istifadəsiz qeyri yaşayış sahəsinə sifariş verilib. Ümumilikdə isə 1 milyon manatdan artıq vəsait dövlət büdcəsinə köçürülüb.

Özəlləşdirilən əmlaklar səhiyyə, pampıqçılıq sahəsinə aid olmaqla yanaşı ictimai iaşə, nəqliyyat sferasında da obyektlər öz sahibi tapır. Məsələn yerləşmə, sahəsinə və digər parametrlərinə görə seçilən “Dalğa”  kiçik dövlət müəssisəsi ictimai iaşə obyekti kimi iqtisadi baxımdan əlverişlidir. Sumqayıtda yerləşən bu əmlakın torpaq sahəsi 5202 kv.m, ümumi faydalı sahəsi isə 1271 kv.m təşkil edir.                   

Paytaxtda özəlləşdirilən 8 kiçik dövlət müəssisəsindən 3-ü Sabunçu, 3-ü Suraxanı digərləri isə müvafiq olaraq Nəsimi və Pirallahıda yerləşir. 6 istifadəsiz qeyri yaşayış sahəsindən isə  4-ü Nərimanovda, qalanları isə müvafiq olaraq Sabunçu və Nəsimi rayonlarındadır.

Regionlarda da hərraclar keçirilib. Hərracın gedişatı böyük monitorlar vasitəsilə canlı izlənilib. Özəlləşdirilən 11 kiçik dövlət müəssisəsindən 3-ü Şəmkirdə, 2-si Sabirabadda qalanları isə müvafiq olaraq Sumqayıtda, Şəkidə, Daşkəsəndə, Salyanda, Zaqatalada və Ağsuda yerləşir. Bölgələrdə özəlləşdirlən qeyri yaşayış sahəsi isə Şirvan şəhərindədir.

Keçirilən hərracların nəticələri ilə tanış olmaq üçün aşağıdakı linkdən istifadə etmək kifayətdir:

http://www.emdk.gov.az/index.php/az/m%C3%BCsabiq%C9%99-v%C9%99-h%C9%99rraclar/n%C9%99tic%C9%99l%C9%99r

Qeyd edilməlidir ki, Şəkidə yerləşən Barama Toxuma zavodu kimi əmlakların özələşdirilməsi və yenidən fəaliyyətə cəlb edilməsi həm kənd təsərrüfatı, həm də  yüngül sənayenin inkişafına töhvə verir. Bu isə daxili geyim təlabatımızın ödənilməsinə, xarici bazarlardan asılılığımız aradan qalxamasına səbəb olur. Eyni zamanda ölkədən vəsait çıxmamaqla yanaşı bu, ixrac potensialımızın artırılması ilə kapital axınına imkan yaradır. Bundan başqa özəlləşdirilən əmlakların paytaxtla yanaşı regionlarda yerləşməsi də bölgələrdə yeni iş yerlərinin açılmasına, regionların iqtisadi potensialının artmasına şərait yaradır. Mühüm üstünlük isə belə daşınmaz əmlakların hərracda özəlləşdirilməsindən qısa müddət sonra mülkiyyət hüquqlarının dövlət qeydiyyatı barədə reyestrdən çıxarış sənədi ilə təmin olunmasıdır.

Prosedurun sadə olması da investorların marağını cəlb edən əsas üstünlüklərdən biridir.  Hazırda sadə prosedura əsasən hərraca qatılmaq üçün Özəlləşdirmə portalı üzərindən əmlakı seçib sifariş vermək kifayət edir. Portalda hər bir əmlakın mövqeyi, yerləşməsi, mövcud vəziyyəti barədə fotoşəkillər və mətn məlumatları var. Hərracların elanı, gedişatı və nəticələri barədə komitənin saytı, Özəlləşdirmə portalı, eləcə də facebook sosial şəbəkəsindəki rəsmi səhifə və “Privatization.az” səhifəsi vasitəsilə əhaliyə mütəmadi məlumatlar verilir.

Qeyd edək ki, Əmlak Məsələləri Dövlət Komitəsi tərəfindən keçirilən hərraclar əmlak sahibi olmaq istəyən hər bir vətəndaş üçün böyük imkandır. Belə hərraclara qatılaraq istənilən vətəndaş əmlak sahibi ola bilər.

Qeyd edək ki, belə hərraclar açıq və şəffaf şəkildə hər həftə keçirilir. İstənilən vətəndaş hərraca rahat şəkildə məhdudiyyətsiz qatıla bilir

 

Hərracda müxtəlif təyinatlı müəssisələrin olması investorların seçim imkanını artırır

Əmlak Məsələləri Dövlət Komitəsi tərəfindən 18 iyul 2017-ci il tarixində keçiriləcək yeni hərrac elan edilib. Hərraca ümumilikdə 124 əmlak çıxarılıb. Bunlardan 25-si səhmdar cəmiyyəti, 21-i kiçik dövlət müəssisə və obyekti, 73-ü istifadəsiz qeyri-yaşayış sahəsi, 5-i isə nəqliyyat vasitəsidir.

Hərraca çıxarılan kiçik dövlət müəssisəsi və obyektləri məişət, iaşə, qida, toxuculuq, təmir, sənaye və digər sahələrə aiddir. Bu əmlaklardan 4-ü paytaxtın Sabunçu rayonunda, digərləri isə Gəncə, İmişli, Şirvan, Qazax, Sumqayıt və başqa bölgələrdə yerləşir. Kiçik dövlət müəssisələrinin əksəriyyəti torpaq sahəsi ilə birgə özəlləşdirilməyə çıxarılıb.

Hərracda yüksək start qiyməti ilə seçilən əmlak İmişlidə yerləşən Yardımçı təsərrüfatdır. Adı çəkilən əmlak 375 min manata təklif olunur. Bu əmlakın topaq sahəsi isə 190 min kv.m-ə yaxındır. Ümumi faydalı sahəsi isə 533,3 kv.m dir. Bundan başqa Gəncə şəhərində yerləşən Xronika kinoteatrı torpaq sahəsi və ilkin start qiymətinə görə fərqlənir. Beləki, 978 kv.m olan əmlakın ilkin start qiyməti 139 min 500 manatdır.

Hərracda özəlləşdirməyə çıxarılan Gəncə şəhərində yerləşən Xronika kinoteatrı əlverişli biznes obyektidir. Nəzərə alsaq ki, ölkəmizdə çəkilən kinoların və izləyicilərin sayı artmaqdadır investor həmin obyektə fəaliyyəti istiqaməti üzrə vəsait yatırmaqla yaxşı gəlir əldə edə bilər.

Ardını oxu...

Kütləvi İnformasiya Vasitələrinin nəzərinə!

Əmlak Məsələləri Dövlət Komitəsi tərəfindən 20 iyun tarixində, saat 14:30-da Əmlak Məsələləri Dövlət Komitəsi ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi arasında əməkdaşlıq istiqamətləri, iki tərəfli əlaqələrin perspektivləri müəyyən edilməsi ilə bağlı tədbir keçiriləcəkdir. Əmlak Məsələləri Dövlət Komitəsinin sədri cənab Kərəm Həsənov və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri cənab İnam Kərimov iki qurum arasında göstərilən xidmətlər sahəsində məmnunluğun, şəffaflığın artırılması, birgə layihələrin həyata keçirilməsi, innovasiyaların tətbiqi ilə bağlı əməkdaşlığa dair memorandum imzalayacaqlar.

Ardını oxu...

Əmlak Məsələləri Dövlət Komitəsinin sədri Kərəm Həsənov Füzulidə vətəndaşların müraciətlərini dinləyib

Mərkəzi icra hakimiyyəti orqanları rəhbərlərinin 2017-ci il iyun ayı üzrə şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənov 16 iyun tarixində Füzuli rayonunda vətəndaşları qəbul edib. Vətəndaş qəbulu Füzuli rayonu Horadiz şəhərində keçirilib. Qəbulda Füzuli ilə yanaşı İmişli, Ağcabədi, Beyləqan və Cəbrayıl rayonundan olan vətəndaşların da müraciətlərinə baxılıb.

Komitə sədrinin qəbulunda iştirak edən rayon sakinlərinin daşınmaz əmlakın qeydiyyatına aid olan müraciətləri əsasən fərdi həyət evi, mənzillər, sovet dövründə kolxoz və ya sovxozlar tərəfindən verilmiş həyətyanı torpaq sahələrinə çıxarış, texniki pasport və digər sənədlərin alınması məsələlərini əhatə edib. Qəbulda iştirak edənlərin bir qismi pay torpaqlarının, kənd təsərrüfatı təyinatlı torpaqların dövlət reyestrində qeydiyyatı ilə bağlı müraciət edib. Qəbulda həmçinin torpaq sahələrinin təyinatı, kateqoriyası ilə bağlı rəylərin alınması, bir kateqoriyadan digərinə keçirilməsi, torpaqlardan təyinatına uyğun istifadə, torpaq hərraclarında iştirak məsələləri barədə də müraciətlər səsləndirilib. Bəzi müraciətlər isə vaxtilə vətəndaşlara ayrılmış torpaq sahələrinin sərhədlərinin dəqiqləşdirilməsi məsələlərini əhatə edib. Səsləndirilən müraciətlərin digər qismi isə torpaqların keyfiyyət göstəricilərinin və münbitlik dərəcələrinin müəyyən edilməsi məqsədilə komitənin mobil və stasionar laboratoriyalarının xidmətlərindən istifadə ilə bağlı olub.

Ardını oxu...

Akademik Həsən Əliyevin anadan olmasının 110 illiyinə həsr olunmuş “Azərbaycanda torpaq idarəçiliyində kadastr və coğrafi informasiya məlumatlarından istifadənin elmi əsasları” mövzusunda elmi-praktiki seminar keçirilib

Əmlak Məsələləri Dövlət Komitəsi və Azərbaycan Milli Elmlər Akademiyasının birgə təşkilatçılığı ilə iyunun 13-də “Azərbaycanda torpaq idarəçiliyində kadastr və coğrafi informasiya məlumatlarından istifadənin elmi əsasları” mövzusunda elmi-praktiki seminar keçirilib. Tədbir  görkəmli coğrafiyaçı və torpaqşünas alim, akademik Həsən Əliyevin anadan olmasının 110 illiyinə həsr olunub. Elmi-praktiki seminarın keçirilməsində məqsəd torpaq idarəçiliyində,  kadastr məlumatlarından və aqroiqlim ehtiyatlarından daha səmərəli istifadə də, o cümlədən torpaqların kəmiyyət və keyfiyyət göstərcilərinin müəyyən edilməsndə, kənd təsərrüfatı ərazilərinin planlaşdırılmasında ən son elmi nəaliyyətlərin, müasir innovativ yanaşmaların tətbiqi ilə əlaqədar qarşılıqlı elmi-tətqiqat işlərinin təkmilləşdirilməsidir.

Tədbiri giriş sözü ilə açan AMEA-nın prezidenti, akademik Akif Əlizadə son illər ölkəmizdə dövlət qayğısı sayəsində elmin inkişafı, ən son yeniliklərin tətbiqi, elmi fəaliyyətin səmərəliliyinin artırılması ilə bağlı mühüm işlərin görüldüyünü vurğulayıb. Bildirib ki, Əmlak Məsələləri Dövlət Komitəsi də torpaqların səmərəli idarə olunmasında, kadastr uçot işlərinin aparılması istiqamətində elmi yeniliklərdən istifadə etməklə fəaliyyətini daha da təkmilləşdirib.

Ardını oxu...

Əmlak Məsələləri Dövlət Komitəsi tərəfindən növbəti açıq hərrac keçirilib

Əmlak Məsələləri Dövlət Komitəsi tərəfindən dövlət əmlakının özəlləşdirilməsinin sürətləndirilməsi və idarə edilməsinin səmərəliliyinin artırılması məqsədilə keçirilən açıq hərraclar davam etdirilir. Daşınmaz dövlət əmlakının özəlləşdirilməsi ilə bağlı növbəti belə hərrac 13 iyun tarixində keçirilib. Hərraclar müasir şəraitdə, tam şəffaf, geniş ictimaiyyətin və media nümayəndələrinin iştirakı ilə baş tutur. Əvvəlki hərraclarda olduğu kimi bu hərracda da dövlət əmlakının özəlləşdirilməsinə, habelə hərracların keçirilməsi prosesinə ictimai maraq kifayət qədər böyük olub. Hərrac iştirakçıları, dövlət obyekti almaq istəyən vətəndaşlar respublikanın digər regionlarında da keçirilən hərracları canlı şəkildə izləyə biliblər.

13 iyunda keçirilən hərracda 5 kiçik dövlət müəssisəsi, 2 istifadəsiz qeyri-yaşayış sahəsi özəlləşdirilib. Hərracda Bakı  şəhəri üzrə 1 kiçik dövlət müəssisəsinə, 1 istifadəsiz qeyri-yaşayış sahəsinə, respublikanın digər şəhər və rayonları üzrə 4 kiçik dövlət müəssisəsinə, 1 istifadəsiz qeyri yaşayış sahəsinə sahəsinə sifariş verilib. Özəlləşdirilən əmlaklar tikinti, ticarət, təmir, səhiyyə sahəsinə aid olub. Həmin əmlaklar müvafiq olaraq Bakının Sabunçu rayonunda, Tovuz, Gəncə və Oğuzda yerləşir. 

Ardını oxu...

Kütləvi İnformasiya Vasitələrinin nəzərinə!

Əmlak Məsələləri Dövlət Komitəsi və Azərbaycan Milli Elmlər Akademiyasının birgə təşkilatçılığı ilə iyunun 13-də “Azərbaycanda torpaq idarəçiliyində kadastr və coğrafi informasiya məlumatlarından istifadənin elmi əsasları” mövzusunda elmi-praktiki seminar keçiriləcəkdir. Tədbir  görkəmli coğrafiyaçı və torpaqşünas alim, akademik Həsən Əliyevin anadan olmasının 110 illiyinə həsr olunub.

Konfransda Əmlak Məsələləri Dövlət Komitəsinin sədri cənab Kərəm Həsənov və Azərbaycan Milli Elmlər Akademiyasının prezidenti, akademik Akif Əlizadə iştirak edəcəklər. Konfransda torpaq idarəçiliyində müasir yanaşmalar, kadastr məlumatlarından istifadənin elmi əsasları, coğrafiya-informasiya sistemlərinin tətbiqi, torpaqlardan istifadə problemlərinin araşdırılması və digər bu kimi mövzularda təqdimatlar olacaqdır. Elmi-praktiki seminarın keçirilməsində məqsəd torpaq idarəçiliyində kadastr məlumatlarından və aqroiqlim ehtiyatlarından daha səmərəli istifadə, torpaq ehtiyatlarının mənimsənilməsində coğrafi informasiya məlumatlarının rolu, kənd təsərrüfatı ərazilərinin planlaşdırılması məsələlərində ən son elmi nailiyyətlərinin tətbiqi və bu sahədə əməli  təkliflərin hazırlanmasıdır.

Ardını oxu...

Əmlak Məsələləri Dövlət Komitəsi yeni hərrac elan edib

Əmlak Məsələləri Dövlət Komitəsi tərəfindən 11 iyul 2017-ci il tarixində keçiriləcək yeni hərrac elan edilib. Hərraca ümumilikdə 206 əmlak çıxarılıb ki, bunun 20-si səhmdar cəmiyyəti, 85-i kiçik dövlət müəssisə və obyekti, 100-ü istifadəsiz qeyri-yaşayış sahəsi, 1-i yarımçıq tikilidir.

Hərracda iştirak edən əmlakların siyahısı ilə aşağıdakı linkdən tanış olmaq olar:  

http://privatization.az/index.php/az/component/content/article?layout=edit&id=1943

Hərraca çıxarılan kiçik dövlət müəssisəsi və obyektləri məişət, iaşə, qida, toxuculuq, təmir, sənaye və digər sahələrə aiddir. Bu əmlaklar paytaxtın Qaradağ, Nərimanov, Sabunçu və digər rayonları, həmçinin Lənkəran, Astara, Şamaxı, Oğuz, Göygöl və digər şəhər və ya rayonlarda yerləşir. Hərracda ən yüksək qiymət paytaxtın Nəsimi rayonunda yerləşən və ümumi faydalı sahəsi 255.5 kv.m, torpaq sahəsi isə 474.8 kv.m olan qeyri-yaşayış obyektinə təyin olunub. Adıçəkilən əmlak 312 min manata təklif olunur. Səbayel rayonunda yerləşən qeyri-yaşayış obyekti 225 min manat,  Qaradağ rayonunda yerləşən 22 saylı avtodayanacaq isə 216 min manat start qiyməti ilə hərraca çıxarılıb. Özəlləşdirilməyə çıxarılan dövlət müəssisələri və kiçik obyektləri sırasında Qoxmuq istirahət zonası, mağazalar, yanacaqdoldurma məntəqələri, yeməkxanalar, Təsərrüfat hesablı Göygöl Aqrar Sənaye Kombinatı kimi əmlaklar var.

Ardını oxu...

Kəndlinin işini yüngülləşdirən daha bir addım: Daşınmaz əmlaklarına dair çıxarışlar birbaşa ünvanlarda verilib

Əmlak Məsələləri Dövlət Komitəsinin daşınmaz əmlakın qeydiyyatı sisteminin inkişafında atdığı başlıca addımlar innovasiyaların tətbiqi, prosedurların ən mümkün səviyyədə sadələşdirilməsi və sosialyönümlü tədbirlərə geniş yer verilməsidir. İnsanların xidmətlərdən maksimum qısa vaxtda və öz ünvanlarında faydalanması xidmətlərdə rasionallığı və optimallığı artırır. Bu isə öz növbəsində vətəndaş məmnunluğunu təmin edir. “Kütləvi çıxarış” kampaniyası qeydiyyat xidmətlərini paytaxtla yanaşı respublikanın ucqar kənd və qəsəbələrinə kimi vətəndaşların birbaşa ünvanına çatdırır. Hərəkət qabiliyyəti məhdud və ahıl şəxslərə isə bu xidmətlər birbaşa onların evlərindəcə göstərilir. Çıxarışlar paytaxt və digər şəhərlərdə yerləşən hündürmərtəbəli binalardakı mənzillərə, müxtəlif növ əmlaklara verilir. 

Ardını oxu...

Əmlakın qeydiyyatında sürətli artım

Azərbaycanda daşınmaz əmlakla bağlı əməliyyatlar sürətlə artmaqda davam edir. Dünyadakı iqtisadi böhran, neftin ucuzlaşması və iqtisadi aktivliyin azalması daşınmaz əmlak bazarına təsir etsə də, 2017-ci ilin ilk beş ayının nəticələri respublikanın əmlak bazarında güclü şəkildə canlanmanın olduğunu göstərir. Xüsusilə ilkin qeydiyyat, yəni əmlakların ilk dəfə sənədləşdirilməsində sürətli artımlar baş verib.

Bunun əsas səbəbi, digər məsələlərlə yanaşı Əmlak Məsələləri Dövlət Komitəsinin əmlakın qeydiyyatını sadələşdirməsi, bu sahədə tətbiq olunan yenilik və kampaniyalar, müasir yanaşmalar, innovativ xidmətlərdir.

Aparılan statistik göstəricilərə əsasən 2017-ci ilin may ayında ölkədə 17251 əmlak üzərində mülkiyyət hüququ qeydə alınıb. Yerinə yetirilən qeydiyyatın 5111 ilkin, 12140 isə təkrar qeydiyyata aiddir. Cari ilin may ayında 14988 daşınmaz əmlaka texniki pasport tərtib edilib, 3604 ipoteka müqaviləsi, 351 yüklülük dövlət qeydiyyatına alınıb. Hüquqi və fiziki şəxslərə dövlət reyestrindən 13386 yaxın məhdudiyyət arayışı, əhaliyə xidmətlə bağlı 4735 digər müxtəlif məzmunlu arayışlar verilib. 11107 daşınmaz əmlak obyektinə müayinə aktı tərtib edilib.

Ardını oxu...

Əmlak Məsələləri Dövlət Komitəsi tərəfində tətbiq edilən “Elektron hərrac”larda iştirak kifayət qədər sadədir

Əmlak Məsələləri Dövlət Komitəsinin fəaliyyət istiqamətləri üzrə 31 elektron xidmət hazırlanmış və Komitənin Elekton Xidmətlər (e-emdk.gov.az) o cümlədən Elektron hökumət portalına (e-gov.az) inteqrasiya edilmişdir. Tətbiq edilən elektron xidmətlərin məqsədi vətəndaşların daha cəld və minimum vaxt itkisi olmaqla xidmətlərdən istifadələrini təmin etməkdir.

Komitə tərəfindən son olaraq vətəndaşların istifadəsinə verilən “Elektron hərrac” xidməti «Nəqliyyat vasitələrinin və avadanlıqların hərraclar vasitəsilə satışı» prosedurunun avtomatlaşdırılmasını özündə birləşdirir.

Belə ki, bu xidmət vasitəsilə artıq vətəndaş olduğu yerdən, heç bir yerə getməyərək online qayda da hərracda iştirak edə bilər. «Elektron  Hərrac»da iştirak etmək üçün müvafiq elektron xidmətə daxil olmaqla (e-emdk.gov.az) həmin bölmədə əmlakların hərraclarla satışı hissəsində qeyd olunan 12-ci bölməyə (Dövlət müəssisə və təşkilatlarının, habelə tam özəlləşdirilməmiş səhmdar cəmiyyətlərinin və nizamnamə fondunda dövlət payı olan hüquqi şəxslərin balansında olan limitdən və tələbatdan artıq minik avtomobillərinin və digər nəqliyyat vasitələrinin, o cümlədən normativ istismar müddəti bitmiş, tam aşınmış, silinməli olan nəqliyyat vasitələrinin və avadanlıqların hərraclar vasitəsilə satışına aid müraciət və sənədlərin qəbulu)  müraciət etmək lazımdır.

Ardını oxu...

Əmlak Məsələləri Dövlət Komitəsi tərəfindən iyun ayının ilk hərracı keçirilib

Əmlak Məsələləri Dövlət Komitəsi tərəfindən dövlət əmlakının özəlləşdirilməsi prosesinin daha optimal, rahat və operativ qaydada reallaşdırılması məqsədilə keçirilən açıq, şəffaf hərraclar davam edir. Komitə investorların özəlləşdirmədə iştrakının sadələşdirilməsi üçün fəaliyyətini təkmillşdirir. Beləki, bu sahədə prosedurları daha da yüngülləşdirən “Dövlətə məxsus nəqliyyat vasitələrinin və avadanlıqların özəlləşdirilməsi ilə bağlı elektron hərrac”ı  istifadəyə verilib. Sistem vasitəsilə ölkə vətəndaşları və iş adamları dünyanın istənilən nöqtəsindən özəlləşdirmə hərraclarına onlayn qatılıb dövlət əmlakının özəlləşdirilməsində iştirak edə bilirlər. “Elektron Hərrac” da ilkin mərhələdə nəqliyyat vasitələri və avadanlıqların özəlləşdirilməsi mümkündür. Digər əmlakların da “Elektron Hərrac” vasitəsilə özəlləşdirilməsi də yaxın gələcəkdə reallaşacaq. Ümumilikdə isə dövlət əmlakının özəlləşdirilməsi ilə bağlı baş tutan hərraclara sifariş vermək və sifarişçi statusu əldə etmək elektron xidmətlər vasitəsilə həyata keçirilir.

Əmlak Məsələləri Dövlət Komitəsi belə hərracın davamı olaraq 6 iyunda dövlət əmlakının özəlləşdirilməsi üzrə növbəti hərracını keçirib. Bu dəfəki hərracda 7 kiçik dövlət müəssisəsi, 6 qeyri-yaşayış sahəsi və 4 nəqliyyat vasitəsi özəlləşdirilib. Özəlləşdirilən kiçik dövlət müəssisəsinin 4-ü Bakıda, 3-ü regionda yerləşir.

Ardını oxu...

Əmlak Məsələləri Dövlət Komitəsi 4 iyul tarixində keçiriləcək hərraca 180 dövlət əmlakını özəlləşdirilməyə çıxarıb

Əmlak Məsələləri Dövlət Komitəsi tərəfindən 04 iyul tarixində keçiriləcək hərracda 180 dövlət əmlakı özəlləşdirilməyə çıxarılıb. Bunlardan 34-ü kiçik dövlət müəssisə və obyekti, 91-i istifadəsiz qeyri-yaşayış sahəsi, 41-i səhmdar cəmiyyəti, 14-ü isə nəqliyyat vasitəsidir.

Hərraca çıxarılan səhmdar cəmiyyətləri sırasında pambıqçılıq, quşçuluq, kəndkimya, nəqliyyat, inşaat, təmir, ticarət, istehsal, emal və sair sahələrə aid müəssisələr vardır. Belə səhmdar cəmiyyətlərinə “Zaqatala Fındıq”, “Ağcabədi Aqrotexservis”, “Sabirabad Mexanikləşdirmə”, “Yevlax Yun”, “Xaçmaz Mexanizasiya Nəqliyyat“, “Şıxlar Broyler”, “Mingəçevir Qum Çınqıl“ və digər bu kimi səhmdar cəmiyyətləri aiddir. Qeyd edilməlidir ki, hərraca cıxarılan səhmdar cəmiyyətləri paytaxtla yanaşı, respublikanın müxtəlif bölgələrində yerləşir. 

Hərraca çıxarılan kiçik dövlət müəssisəsi və obyektləri paytaxtla yanaşı Gəncə, Şirvan, Balakən, Zaqatala, Lənkəran, Sumqayıt və digər rayonlarda yerləşir.  Özəlləşdirilən əmlakların ümumi faydalı sahəsi 24 kv.m ilə 147 min kv.m arasında dəyişir. Hərraca çıxarılan kiçik dövlət müəssisəsi və obyektləri məişət, iaşə, qida, toxuculuq, təmir, sənaye, nəqliyyat və digər sahələrinə  aiddir. Həmin müəssisələrin özəlləşdirilməsi iqtisadiyyatın bir çox sahələrinin inkişaf etdirilməsinə imkan verir.

Ardını oxu...

Əmlak Məsələləri Dövlət Komitəsinin sədri Kərəm Həsənov Füzuli rayonunda vətəndaşları qəbul edəcək

Əmlak Məsələləri Dövlət Komitəsinin sədrinin mərkəzi icra hakimiyyəti orqanları rəhbərlərinin 2017-ci ilin iyun ayında şəhər və rayonlarda vətəndaşların qəbulu cədvəlinə uyğun olaraq Füzuli rayonu Horadiz şəhərində iyunun 30-na nəzərdə tutulan qəbulunun vaxtı 16 iyun tarixinə dəyişdirilib.

Qəbul saat 11:00-da Füzuli rayonu Horadiz şəhərində keçiriləcək. Qəbulda Füzuli rayonu ilə yanaşı Beyləqan, Ağcabədi, İmişli, Cəbrayıl rayonundan olan vətəndaşların müraciətlərinə baxılacaq.

Komitə sədri qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı sahəsinə aid olan müraciətlər, dövlət əmlakının özəlləşdirilməsi və icarəsi, hərraclarda iştirak, icarə əsasında istifadə edilən dövlət obyekti və ya torpaq sahəsinin özəlləşdirilməsi, torpaqların təyinatından irəli gələn məsələlər, torpaqların texniki parametrlərinin və koordinatlarının müəyyənləşdirilməsi, ünvan məsələləri və komitənin fəaliyyət istiqamətlərinə aid digər məsələlərlə bağlı vətəndaşları qəbul edəcək.

Ardını oxu...

Vətəndaş xidmətə deyil xidmət vətəndaşa çatdırılır: İş yerində daha bir “Kütləvi çıxarış” kampaniyası keçirilib

Əmlak Məsələləri Dövlət Komitəsi daşınmaz əmlakın qeydiyyatının sadələşdirilməsi və sürətlənməsi ilə bağlı tədbirlərini davam etdirir. Hər dəfə bu istiqamətdə təbirlər keçirilən zaman, paralel olaraq da yeniliklər tətbiq edilir. Məqsəd isə daşınmaz əmlakın qeydiyyatı xidmətlərinin ölkə əhalisi üçün daha rahat və innovativ üsullarla çatdırılması, bu sahədə operativlik və əlçatanlığın artırılması, habelə vətəndaş məmnunluğunun təmin olunmasıdır.

Qeyd edilməlidir ki, Əmlak Məsələləri Dövlət Komitəsinin fəaliyyəti əsasən  sosialyönümlülüyü ilə fərqlənir. Beləki, Komitənin göstərdiyi xidmətlər vətəndaş razılığının artırılmasına, vaxta qənaət edilməsinə, çevikliyin təmin edilməsinə hesablanıb. Əhalinin bir çox sahələrdə işini daha da yüngülləşdirəcək geniş yayılan sosial layihələrdən biri də “Kütləvi çıxarış” kampaniyasıdır. Ənənəsinə sadiq qalan Əmlak Məsələləri Dövlət Komitəsi bu sahədə də innovativ üsullar tətbiq etməklə qeydiyyat xidmətlərində operativliyi artırır. “Kütləvi çıxarış” kampaniyası zamanı verilən sənəd vətəndaşların yaşadıqlar binaların həyətində, mənzillərdə təqdim olunmaqla yanaşı birbaşa iş yerlərində də verilir. Başqa sözlə əhali iş prosesi və gündəlik fəaliyyət rejimdən ayrılmadan daha rahat şəkildə əmlaklarına dair çıxarışa sahib olurlar. İş yerlərində qeydiyyat xidmətləri nəticəsində vətəndaşın qeydiyyat üçün hər hansı idarəyə müraciətinə, rayon mərkəzlərinə getməsinə ehtiyac qalmır. Belə tədbirlər həm Bakı şəhərində, həm də respublikanın müxtəlif şəhər və rayonlarında yerləşən müəssisələrin işçiləri üçün keçirilir.

Ardını oxu...

Daha yeni bir layihə reallaşdı: Elektron çıxarışların tətbiqinə başlanıldı

Əmlak Məsələləri Dövlət Komitəsinin daşınmaz əmlakın qeydiyyatı sahəsində yeni innovativ layihəsi olan elektron çıxarışların tətbiqinə başlanıldı. Bununla bağlı məsələ artıq hüquqi təsdiqini tapdı. Beləki “Daşınmaz əmlakın dövlət reyestri haqqında” Qanununda dəyişikliklər edilməsi barədə qanununun tətbiqi haqqında Azərbaycan Respublikası Prezidentinin 24 may 2017-ci il tarixli Fərmanı imzalanıbdır.

Bu dəyişikliyə əsasən daşınmaz əmlakın dövlət reyestrindən çıxarışların əhaliyə elektron formatda təqdim edilməsi imkanı yaradılıb. Bununla vətəndaşlar daşınmaz əmlaklarına dair sənədi öz arzusuna görə elektron və ya kağız formada əldə edə bilir. Belə ki, əmlak sahibi müvafiq idarəyə gəlmədən, Elektron Hökumət Portalında yaradılacaq şəxsi kabinetindən elektron formada çıxarışını ala bilir. Odur ki, müasir yanaşmaların tətbiq edildiyi bu sistem vasitəsilə vətəndaş daha operativ şəkildə çıxarışına sahib olur. 

Ardını oxu...