Əmlak Məsələləri Dövlət Komitəsində 2016-cı il ərzində görülmüş işlərə dair müşavirə keçirilib

Əmlak Məsələləri Dövlət Komitəsi tərəfindən 2016-cı il ərzində görülmüş işlər və qarşıda duran vəzifələrə dair geniş müşavirə keçirilib.

Müşavirədə çıxış edən komitə sədri Kərəm Həsənov qeyd edib ki, Azərbaycan Respublikasının Prezidenti cənab İlham Əliyevin rəhbərliyi ilə 2016-cı ildə ölkədə aparılmış uğurlu sosial-iqtisadi islahatlar ölkəmizin iqtisadi potensialının güclənməsi, uğurlu inkişaf dinamikasının təmin edilməsi ilə nəticələnib. Bildirilib ki, Komitə də özünün fəaliyyət sahələri üzrə gördüyü işlərlə ölkədə aparılan islahatlara öz töhfəsini verib. Ölkə iqtisadiyyatını gücləndirmək və özəl təşəbbüslərə dəstək vermək məqsədi ilə özəlləşdirmənin sürətləndirilməsi mühüm istiqamət kimi müəyyən edilib.

Ardını oxu...

İstənilən vətəndaş hərrac vasitəsilə dövlət əmlakına sahib ola bilir

Əmlak Məsələləri Dövlət Komitəsinin ötən ilin sentyabr ayından indiyədək keçirdiyi intensiv açıq hərraclar sayəsində vətəndaşların özəlləşdirmə prosesindən məmnunluq səviyyəsi artmaqdadır. Bunu komitənin özəlləşdirmə portalına (privatization.az) daxil olanların sayı və hərraclara verilən sifarişlər təsdiq edir. Digər tərəfdən hərracın tamamilə şəffaf, heç bir vətəndaşın və ya media üzvünün iştirakına məhdudiyyət qoyulmadan, ictimai nəzarət prinsipi ilə keçirilməsi məmnunluq səviyyəsini yüksəldən digər mühüm faktordur. Xüsusilə qeyd edilməlidir ki, belə hərraclar təkcə paytaxtla kifayətlənmir. Respublikanın müxtəlif şəhər və rayonlarında hərrac mərkəzləri yaradılıb ki, belə hərraclarda regionlarda yerləşən müxtəlif tipli dövlət əmlakları özəlləşdirilir. Paytaxtda keçirilən hərrac zamanı onlayn əlaqə yaradılaraq böyük monitorlar vasitəsilə regionlarda baş tutan hərraclar da əyani nümayiş etdirilir. 

Ardını oxu...

“Daşınmaz Əmlak” jurnalı oxucularını sosial mənzillər barədə məlumatlandırır

Əmlak Məsələləri Dövlət Komitəsinin analitik informasiya bülleteni olan “Daşınmaz Əmlak” jurnalının 72-ci sayı çapdan çıxıb. Jurnal komitənin fəaliyyət sahələri üzrə həyata keçirdiyi tədbirlər, paytaxtın və regionların daşınmaz əmlak bazarındakı vəziyyət, eləcə də, ölkədə aparılan daşınmaz əmlak siyasəti və bu sahənin inkişafı üçün görülən işlər barədə maraqlı yazıları özündə əks etdirir. Jurnalda oxucular, mütəxəssislər və daşınmaz əmlak bazarının iştirakçıları üçün maraqlı rubrikalar yer alıb.

Jurnalın 72-ci sayı Bakı Ekspo Mərkəzində keçirilən Azərbaycan Beynəlxalq Daşınmaz Əmlak və İnvestisiya sərgisindən bəhs edən məqalə ilə başlayır. Xəbər bölməsində yer alan “Daşınmaz əmlakın qeydiyyatı ilə bağlı Yenilik” yazısı vətəndaşların  onlara məxsus daşınmaz əmlaka dair çıxarış almaq üçün tələb olunan siyahısı barədədir. Belə ki, vətəndaş komitənin rəsmi internet səhifəsində bu siyahını əks “Vətəndaşların nəzərinə“ adlı ayrıca keçidə (linkə) daxil olaraq zəruri sənədlərin siyahısı ilə tanış ola bilər. Bölmənin digər xəbəri olan “Bakıda yüzlərlə bina yenilənəcək” başlıqlı məqalədə qeyd edilir ki,  irimiqyaslı yenidənqurma işləri barədədir.

Ardını oxu...

21 fevralda keçiriləcək hərraca 79 dövlət əmlakı çıxarılıb

Əmlak Məsələləri Dövlət Komitəsi tərəfindən 21 fevral 2017-ci il tarixində yeni hərrac keçiriləcək. Bu hərracda fiziki və hüquqi şəxslərə ümumilikdə 79 dövlət əmlakını özəlləşdirmək təklif olunur. Artıq hərraca sifariş vermək üçün komitənin “privatization.az” portalında elektron keçid aktivdir. Vətəndaşlar hərraca çıxarılan 22 səhmdar cəmiyyəti, 19 kiçik dövlət müəssisəsi, 35 istifadəsiz qeyri-yaşayış sahəsi və 3 nəqliyyat vasitəsindən bir və ya bir neçəsinə sifariş verə bilərlər.

Təklif olunan kiçik dövlət müəssisəsi və obyektləri paytaxtın Sabunçu və Qaradağ rayonları, Siyəzən şəhəri, Samux, Beyləqan, Goranboy və Bərdə rayonlarında yerləşir. Sabunçuda yerləşən əmlak 60 min manata, Samuxda yerləşən “Seyidlər” üzüm emalı zavodu 77 min 200 manata, Bərdə şəhərindəki Texniklər evi isə 60 min manata təklif olunur.

Ardını oxu...